Tað er meðan tú arbeiðir, at tú leggur lunnar undir títt livistøði sum pensjónistur. Eitt gott og virkið lív sum pensjónistur krevur at tú hevur pening at brúka. Tí er ongantíð ov tíðliga at hyggja nærri eftir tínum eftirlønarviðurskiftum. Tínar avgerðir nú kunnu hava ávirkan á tínar fíggjarkarmar sum pensjónistur.

Byrja at spara saman

Øll við fullari skattaskyldu og sum eru undir pensjónsaldur, skulu spara ein part av lønini saman til eftirløn. Inngjaldið skal í minsta lagi vera 12  % av A-inntøkuni. Arbeiðsgevarin rindar eftirlønargjaldið inn á tína eftirlønarkontu, sum tú stovnar hjá okkum. Ert tú sjálvstøðug/ur vinnurekandi, skal tú sjálv/ur senda peningastovninum áheitan um eftirlønarinngjald. Skattur verður goldin av inngjøldum men ikki av útgjaldinum.

Eftirlønarkonta í Norðoya Sparikassa

Við eini eftirlønarkontu hjá okkum kanst tú:

• spara saman eftir tínum ynski
• fáa ráðgeving um samansparing og útgjald, tá pensjónsaldurin nærkast
• fáa eina kappingarføra rentu av innistandandi á eftirlønarkontuni
• gera íløgur í virðisbrøv fyri samansparda peningin

Set eftirlønina í virðisbrøv

Vit bjóða møguleika at seta tína eftirlønarsamansparing í virðisbrøv. Talan er um íløguprógv, sum kunnu vera samansett av partabrøvum og lánsbrøvum. Hetta gevur møguleika fyri størri langtíðaravkasti enn vanliga rentan á eftirlønarkontu. Íløgur eru serliga væl egnaðar, um tað er leingi til tú verður pensjónistur.

Vit bjóða:

• Samanseting, av virðisbrøvum sum hóskar til tíni ynski, tíðarhorisont og váðafýsni
• Framhaldandi sjálvvirkandi keyp av íløguprógvum fyri tíni eftirlønarinngjøld